人氣之選！牛頭角金飯館．炒飯專門店

#MC帶你去牛頭角 . 金飯館主打炒飯，一直喺牛頭角人氣高企🥇今次終於有機會試下🤭 . ✨ 金飯館 開正喺牛頭角平民區，裝修都好貼地，一般冰室餐廳裝潢。餐廳雖然係主打炒飯底，但都設有免費改為白飯底🍚而且仲有泡飯、有汁飯咁，總有一款啱你心水😜 . 🍛 即叫即炸椒鹽豬扒飯 $78 炒飯底的確炒得夠乾身，粒粒分明，仲每一粒上曬色😍有淡淡蛋香味，連埋炸蒜、香蔥一齊食，味道已經不錯😋而主角椒鹽豬扒十分足料，有成5、6嚿，食落肉質厚實，全部都連骨生炸🍖所以食落仲有濃厚豬肉香味，而且無用鬆肉粉過份地醃到淋曬👍🏻咬落有嚼勁👍🏻 跟餐仲有一個黑色兜，入面有幾粒菜脯，可以連炒飯一齊食，口感再豐富啲😝 . 🥤 手攪檸檬茶（凍）跟餐加 $8 用咗不鏽鋼保溫杯🧊冰粒無咗易溶，唔會溝到淡曬，值得一讚👍🏻聲稱手攪檸檬茶，所以檸檬茶上枱已經督咗檸檬🍋如果想自己調酸度嘅話，可能就未必適合你🙊 . ✨ 總結 唯一扣分位，喺晚市繁忙時間，啲豬扒可能一早炸好，溫度略為唔夠熱☹️炒飯嘅份量又無想像咗大份，但侍應話每個餐已經係多飯嘅份量嚟，所以無得加底多飯🤷🏻‍♂️ . ⭐整體︰7.5/10 ⭐食物︰8.0/10 ⭐環境︰7.5/10 ⭐價錢︰8.0/10 . ===================================== 📍 金飯館 地址：牛頭角牛頭角道323號地下J號舖 交通︰港鐵牛頭角站 A 出口 ===================================== . #Ming_Course #hkfoodie #foodiehk #hkfood #hkfoodblogger #hongkongfoodies #hongkongfoodie #hkfoodlover #hongkongfood #週末好去處 #拍拖好去處 #情侶好去處 #香港小店 #觀塘區美食 #牛頭角美食 #牛頭角一日遊 #牛頭角好去處 #香港美食 #香港美食打卡 #香港美食攻略 #香港探店 #本地遊 #香港一日遊 #香港好去處 #牛頭角 #金飯館 #炒飯 #椒鹽豬扒飯 #椒鹽豬扒#秋日美食