r a m c e
ܫܪܫܐ ܕܡܺܐܡܪܬܐ ܗܕܐ ܟܬܝܒܐ ܒܠܫܢܐ ܬܘܪܟܝܐ. ܣܝ̇ܡܐ ܗ̱݀ܘ ܕܡܝܩܪܐ ܐܺܝܠܗܰܐܢ ܓ̇ܽܘܙܶܠ ܐܺܝܫ ܚܰܢܰܐܫܶܗ ـ ܚܶܠܘܰܔܺܝ ـ ܚܶܨܪܡ. ܘܡܬܰܪܓܡܐ ܠܠܫܢܐ ܣܘܪܝ̣ܝ̣ܐ ܒܝܕ ܟܘܪܳܝܐ ܓܒܪܐܝܠ ܐܩܝܘܙ ܕܡܶܪܕܳܐ ܒܣܝܩܘܡ: ܛ ـ ܝ ـ ܒܟ̇ܒ ܡ̄
”ܒܶܣܰܖܬܐ“ ـ ܚܶܨܪܶܡ ـ
ܡܬ̣ܐܡܪ ܒܠܫܢܐ ܥܪܒܝܐ ܠܥܢ̈ܒܐ ܕܥܕܟܝܠ ܠܐ ܒܫ̣ܠܘ ”ܚܶܨܪܶܡ“ ܗ̇ܢܘ ܥܢ̈ܒܐ ܒܶܣܪ̈ܳܬܐ. ܘܡܬ̣ܐܡܪ ܠܗܘܢ ܒܠܫܢܐ ܬܘܪܟܝܐ ܩܳܪܽܘܩ.
ܐܣܝܘܬܐ ܕܚܘ̣ܠܡܢܐ ܕܢ݀ܦܩܐ ܡ̣ܢ ܦܹܐܪ̈ܐ ܗܠܝܢ ܕܐܫܬܟܚܬ݀ ܩܕܡ ܕܪ̈ܐ ܣܓܝ̈ܐܐ܆ ܚ̇ܙܝܢܢ ܕܟܘܢܳܝܐ ܗܢܐ ܕܚܶܨܪܶܡ ܐܬܝܗܒ ܠܐܝܩܪܬܐ ܚܕܐ ܕܚ̇ܐܝܐ ܗܳܐ ܡ̣ܢ ܝܘ̈ܡܬܐ ܕܰܫܢܰܬ ܐܥ̇ ܡ̄ ـ 1700 ܒܡܕܝܢܬ ܡܶܪܕܺܝܢ. ܐܒܐ ܩܕܡܝܐ ܕܗܕܐ ܐܝܩܪܬܐ܆ ܫܰܪܝ ܠܡܶܫܟܚܘ ܘܰܠܡܰܦܪܝܘ ܡ̣ܢ ܥܢ̈ܒܐ ܗܠܝܢ ܒܶܣܪ̈ܬܐ ܕܥܕܟܝܠ ܠܐ ܒܫܠܝ̈ ܣܰܡܐ ܕܡܰܘܬܪ ܠܓܘܫܡܐ ـ ܠܒܪܢܫܐ ܒܕܪܓܐ ܩܕܡܝܐ.
ܡ ܟ ܬ ܒ ܙ ܒ ܢ ܕ ܝ ܩ ܪ ܬ ܐ ܕ ܒ ܝ ܬ ܚ ܶ “
ܡܫܟܚܢܘܬܗ ܕܣܡܐ ܗܢܐ܆ ܛ݀ܒ ܐܠܨܝ ܗ̣ܘܐ ܘܡܘܬܪܢ ܒܕܪ̈ܐ ܗ̇ܢܘܢ ܕܥܒ̣ܪܘ. ܕܝܠܢܐܝܬܕܝܢ܆ ܡܬܥܒܕ ܗ̣ܘܐ ܡ̣ܢ ܒܶܣܪ̈ܬܐ ܗܠܝܢ ܨܰܒܥܳܐ ܫܶܪܫܢܝܐ ܕܡܬܚܫܚܝܢ ܗ̣ܘܘ ܒܗ ܐܘ̈ܡܢܐ ܕܙܰܩܪܘܬܐ ܒܠܒܘ̈ܫܐ ܘܕܰܚܡܝ̈ܠܬܐ ܕܡܬܚܫܚܝܢ ܗ̣ܘܘ ܒܗܘܢ ܠܰܦܪܳܣܳܐ ܕܒ̈ܬܐ. ܘܗܟܘܬ ܫܘ̈ܬܐܣܐ ܘܡܰܥܡ̈ܠܐ ܣܓܝ̈ܐܐ ܡܬܚܫܚܝܢ ܗ̣ܘܘ ܒܗܢ ܨܰܒܥܳܐ ܫܪܫܝܐ. ܗܕ̈ܡܐ ܕܐܝܩܪܬܐ ܗܕܐ ܗ̇ܐ ܡ̣ܢ ܬܠܬܡܐܐ ܫܢܝ̈ܢ ܘܰܠܟܐ ܡܬܚܫܚܝܢ ܒܨܰܒܥܳܐ ܗܢܐ ܕܓܘܢܗ ܠܐ ܫ̇ܐܒ ܘܠܐ ܡܫܬܚܠܦ. ܘܰܡܫܪܪ ܗܺܝ̣ܝ̣ܘܬܐ ܕܝܠܗ ܥܠ ܥܬܝ̈ܩܬܐ ܣܓܝ̈ܐܬܐ ܕܠܒܘ̈ܫܐ ܕܡܬܢܛܪܝܢ ܗܳܐ ܡ̣ܢ ܕܳܪ̈ܐ.
ܠܦܘܬ ܡܐ ܕܡܬܚܘܐ ܡ̣ܢ ܐܝܠܢܐ ܕܫܡܗ̈ܐ ܕܐܝܩܪܬܐ ܕܝܠܢ܆ ܥܩܳܪ̈ܐ ܘܫܪ̈ܫܐ ܕܝܠܗ̇ ܡܫܪܐ ܡ̣ܢ ܫܢܬ݀ ܐܥ̇ ݂ܡ̄ 1700 ܘܟܠܗܘ݀ܢ ܗܕܡܝ̈ܗ̇ ܚܝܰܘ ܒܡܕܝܢܬ ܡܶܪܕܝܢ. ܐܠܐ ܡ̣ܢ ܥܠ̈ܠܬܐ ܣܓܝ̈ܐܬܐ ܕܠܐ ܝܕܝܥ̈ܢ ܒܰܫܢܝ̈ܐ ܗܠܝܢ ܐ̱ܚܪ̈ܝܬܐ ܗܕ̈ܡܐ ܣܓܝ̈ܐܐ ܕܐܝܩܪܬܐ ܗܕܐ ܐܬܓܠܘܝܘ ܠܕܘܟܝ̈ܬܐ ܡܫܚܠ̈ܦܬܐ ܕܥܠܡܐ. ܘܠܦܘܬ ܒܘܚܢܐ ܕܥܒܕܢܢ܆ ܒܢܝ̈ ܐܝܩܪܬܐ ܗܕܐ ܕܒܝܬ ܚܶܨܪܶܡ ܐܬܬܘܬܒܘ ܠܚܡܫܥܣܪ̈ܐ ܡܠܟܘ̈ܬܐ. ܐܠܐ ܥܡ ܟܠ ܚܒܠ ܐܝܬ ܗܕ̈ܡܐ ܕܝܢ ܕܐܒܝܕܝܢ ܘܠܐ ܝܕܝܥܐ ܠܢ ܕܐܝܟܐ ܚ̇ܐܝܢ.
ܥܡ ܦܘܠܚܢܐ ܕܒܘܚܳܢܐ ܕܥ݀ܒܕ ܐ̱ܢܐ ܥܠ ܝܩܪ̈ܬܐ ܕܐܝܩܪܬܐ ܗܕܐ ܕܒܝܬ ܚܶܨܪܶܡ܆ ܐܡܝܢܐܝܬ ܡܡܠܠ ܐ̱ܢܐ ܥܡ ܐ̱ܚܝ̈ܢܐ ܘܩܪ̈ܝܒܐ ܕܝܠܢ ܕܐܝܬ ܠܝ ܐܣܝܪܘܬܐ ܥܡܗܘܢ. ܟܕ ܕܝܢ ܗܕ̈ܡܐ ܕܗܕܐ ܐܝܩܪܬܐ ܕܐ݀ܬܝܢ ܡ̣ܢ ܙܒܢ ܠܙܒܢ ܠܣܥܘܪܘܬܐ ܕܡܠܟܘܬܐ ܕܝܠܢ ܡܫܐܠܝܢ ܥܠ ܥܩܪܐ ܘܫܪܫܐ ܕܝܠܗܘܢ܆ ܥܡ ܟܠ ܦܨܝܚܘܬܐ ܡܬܰܢܐ ܐ̱ܢܐ ܠܗܘܢ ܘܝ݀ܗܒ ܐ̱ܢܐ ܠܗܘܢ ܝܕܥܬܐ ܛ݀ܒ ܪܘܝܚܬܐ ܥܠ ܫܪ̈ܫܐ ܕܐܝܩܪܬܐ ܗܕܐ ܕܕܟܝܪܐ ܡ̣ܢ ܠܥܠ.
ܐܝܠܢܐ ܗܢܐ ܕܐܝܩܪܬܐ ܕܫܟܝܚ ܒܐܝ̈ܕܝ܆ ܦܫ̣ ܠܝ ܐܝܟ ܝܘܪܬܢܐ ܡ̣ܢ ܣܒܐ ܕܝܠܝ ܔܪܔܝܣ ܚܰܢܰܐܫܶܗ ܓ̇ܽܘܙܶܠ ܐܺܝܫ. ܘܗܐ ܡ̣ܢ ܬܠܬܝܢ ܘܚܡܫ ܫܢܝ̈ܢ ܦ݀ܠܚ ܐ̱ܢܐ ܥܠܘܗܝ. ܘܒܣܥܘܪܘܬܐ ܚܕܐ ܕܥܒܕ݀ܬ ܠܐܬܪܐ ܕܰܒܪܶܙܺܝܠܝܰܐ ܐܫܬܘܕܥ݀ܬ ܠܐܚܝ̈ܢܐ ܘܰܠܩܪ̈ܝܒܐ ܣܓܝ̈ܐܐ ܕܝܠܝ ܘܛ݀ܒ ܐܬܦܨܚ݀ܬ. ܣܥܘܪܘܬܐ ܗܕܐ܆ ܡܠܝܐ ܗ̱ܘܬ݀ ܪ̈ܓܫܐ ܒܣܝ̣̈ܡܐ ܘܥܘ̈ܗܕܢܐ ܠܐ ܡܬܛܥܝ̈ܢܐ. ܟܕ ܫܡܥܘ ܐ̱ܚܝ̈ܢܐ ܘܩܰܪ̈ܝܒܐ ܕܐܬܛܝܒ݀ܬ ܠܐܬܪܐ ܕܝܠܗܘܢ܆ ܐܬܟܢܫܘ ܒܠܠܝܐ ܩܕܡܝܐ ܠܒܝܬܐ ܕܒܗ ܫ̇ܪܐ ܗܘܝ݀ܬ ܐܝܟ ܡܐܐ ܘܥܣܪܝܢ 120 ܩܢܘ̈ܡܐ. ܐܥܒܪܢܢ ܫܗܪܐ ܛܒ ܒܣܝ̣ܡܐ ܥܡ ܚܕܕ̈ܐ. ܪ̈ܓܫܐ ܕܟܠܢ ܛ݀ܒ ܩܪܝܒܝܢ ܗ̱ܘܘ ܠܚܕ̈ܕܐ، ܘܡܠܝܢ ܗ̱ܘܘ ܚ̣ܘܒܐ ܘܪܚܡܬܐ ܘܥܘܦܳܩܐ ܚܡܝ̣ܡܐ. ܣܒ̈ܐ ܕܗ̇ܢܘܢ ܕܐܬܛܝܒܘ ܗ̱ܘܘ ܠܣܥܘܪܘܬܐ ܕܝܠܝ܆ ܡ̣ܢ ܩܕܡ ܡܐܐ ܘܥܣܪ ܫܢܝ̈ܢ 110 ܐܬܓܠܘܝܘ ܗ̣ܘܘ ܡ̣ܢ ܡܕܝܢܬ ܡܶܪܕܝܢ ܕܐܝܬܘܗܝ ܗ̣ܘܐ ܐܬܪܐ ܐܶܡܗܳܝܳܐ ܕܝܠܗܘܢ. ܘܠܙܒܢܬܐ ܩܕܡܝܬܐ ܗܘܬ݀ ܕܚ̇ܙܝܢ
ܗ̣ܘܘ ܠܚܕ ܡ̣ܢ ܩܪ̈ܝܒܐ ܕܝܠܗܘܢ ܕܣ݀ܥܪ ܠܗܘܢ. ܗܢ ܢܶܣܝܢܐ ܕܣܥܘܪܘܬܐ ܕܝܠܝ ܠܬܡܢ܆ ܡܚܰܘܝܐ ܘܡܰܠܦܐ ܠܢ ܕܳܐܦܢ ܐܬܒܕܪܢܢ ܠܐܪܒܥ ܦܢܝ̈ܢ ܕܥܠܡܐ، ܘܳܐܦܢ ܥܒ̣ܪ ܙܒܢܐ ܣܓܝܐܐ ܕܐܬܦܪܫܢܢ ܡ̣ܢ ܚܕ̈ܕܐ ܐܠܐ ܐܣܝܪܘܬܐ ܕܝܠܢ ܣܓܝ ܥܫܝܢܐ ܥܡ ܚܕ̈ܕܐ.
ܐܪܒܥܐ ܐܚ̈ܐ ܟܕ ܢܦܩܘ ܥܡ ܚܕ̈ܕܐ ܡ̣ܢ ܡܶܪܕܝܢ܆ ܐܬܒܕܪܘ ܘܚܙܩܘ ܠܐܬܪ̈ܘܬܐ ܪ̈ܚܝܩܐ. ܠܝܬ ܗ̱ܘܐ ܠܗܘܢ ܥܡܗܘܢ ܡܡܘܢܐ ܡܕܡ ܐܠܐ ܟܠ ܚܕ ܡܢܗܘܢ ܢܣܒ ܐܝܩܪܬܗ ܘܨܶܡܕܐ ܕܝܠܗ ܥܡܗ. ܒܪܡ ܠܐ ܛܥܘ ܕܟܠ ܚܕ ܡܢܗܘܢ ܢܶܣܒ ܠܐܝܠܢܐ ܕܐܝܩܪܬܐ ܗܕܐ ܕܕܟܝܪܐ ܥܡܗ. ܒܣܥܘܪܘܬܐ ܗܕܐ ܗܘܐ ܠܝ ܓܰܕܐ ܕܐܚ݁ܙܐ ܠܐܝ̈ܠܢܐ ܗܠܝܢ ܕܐܝܩܪܬܐ ܕܛܥܢ̣ܘ ܥܡܗܘܢ ܐܝܟ ܝܘܪܬܢܐ ܠܐ ܡܬܛܥܝܢܐ. ܫܪܝܪܐܝܬ ܠܡܐܡܪ܆ ܐ݀ܬܐ ܗ̱ܘܐ ܠܝ ܪܝ̣ܚܐ ܒܣܝ̣ܡܐ ܕܝܩܪ̈ܬܐ ܡ̣ܢ ܘܪ̈ܩܐ ܥܬܝ̈ܩܐ ܕܢܛܪܘ ܠܘܬܗܘܢ.
ܝܕܥܬܐ ܥܠ ܥܢ̈ܒܐ ܘܚܰܡܪܐ “
ܐܟܡܐ ܠܡ ܕܝܕܝܥܐ܆ ܕܗܐ ܡ̣ܢ ܕܪ̈ܐ ܥܬܝ̈ܩܐ ܕܥܒ̣ܪܘ܆ ܣܘܪ̈ܝ̣ܝ̣ܐ ܡܬܚܫܚܝܢ ܗ̣ܘܘ ܒܚܰܡܪܐ ܒܐܬܪܐ ܕܒܝܬܢܗܪ̈ܝܢ. ܡܛܠ ܕܥܦܪܐ ܘܫܡܫܐ ܕܐܬܪܐ ܗܢܐ ܛ݀ܒ ܡܘܬܪ̈ܢܐ ܐܢܘܢ ܠܚܰܡܪܐ ܕܡܬܥܒܕ ܟܕ ܝ݀ܗܒܝܢ ܠܗ ܛܥܡܐ ܒܣܝ̣ܡܐ.
ܡܬܕܟܪ ܐ̱ܢܐ ܓܝܪ ܕܟܕ ܛܠܝܐ ܗܘܝ݀ܬ ܒܪ ܫܒܥ ܐܘ̇ ܬܡܢܐ ܫܢܝ̈ܢ ܥ݀ܨܪ ܗܘܝ݀ܬ ܠܥܢ̈ܒܐ ܕܣܒܐ ܕܝܠܝ ܒܪ̈ܓܠܝ ܘܡܢܗܘܢ ܥ݀ܒܕ ܗ̱ܘܐ ܚܰܡܪܐ ܪܝܫܳܝܐ. ܘܰܡܬܰܢܐ ܗ̣ܘܐ ܠܝ ܐܦ ܕܐܝܟܢܐ ܝ̣ܠܦ ܠܐܘܡܢܘܬܐ ܕܚܡܪܐ ܡ̣ܢ ܣܒܐ ܕܝܠܗ ܚܰܢܢܰܐ ܚܶܠܘܰܔܺܝ ـ ܚܶܨܪܶܡ. ܘܥܕܟܝܠ ܙ̇ܐܡ ܩܠ ܣܒܐ ܕܝܠܝ ܒܐܕ̈ܢܝ ܘܨ̇ܐܪ ܐ̱ܢܐ ܩܕܡ ܥܝ̈ܢܝ ܒܟܠ ܦܨܝܚܘܬܐ ܘܒܣܝ̣ܡܘܬܐ ܘܥܡ ܟܠ ܫܘܒܗܪܐ ܟܕ ܡܬܰܢܐ ܗ̱ܘܐ ܥܠ ܐܘܡܢܘܬܐ ܕܚܰܡܪܐ.
ܨܰܒܥܳܐ ܓܝܪ ܕܒܳܪܐ ܗ̱ܘܐ ܘܡܬܚܫܚ ܗ̱ܘܐ ܒܗ܆ ܓܘܢܗ ܠܐ ܣܟ ܡܫܬܚܠܦ ܗܐ ܡ̣ܢ ܕܪ̈ܐ ܣܓܝ̈ܐܐ ܘܦ݀̇ܐܫ ܐܟܡܐ ܕܗ̣ܘ. ܓܒܘܠܝܐ ܕܗܢܐ ܨܰܒܥܐ ܣܓܝ ܥ̇ܣܩ̣. ܘܥܕܟܝܠ ܡܬܬܢܐ ܒܠܫܢܐ ܥܰܡܝܐ ܕܡܶܪܕܝܢ ܟܕ ܐܡܪܝܢ܆ ”ܠܡܐ ܗܢ ܦܘܠܚܢܐ ܥ̇ܣܩ̣ ܐܝܟ ܒܶܣܰܪܬܐ ـ ܚܶܨܪܶܡ ـ ܕܥܢ̈ܒܐ ܕܡܬܥܒܕ ܡܢܗܘܢ ܚܰܡܪܐ ܐܪܐ “ ܟܕ ܠܙܒܢܬܐ ܩܕܡܝܬܐ ܣܥܪ݀ܬ ܠܡܪܕܝܢ܆ ܗܘܝ݀ܬ ܫܡ̇ܥ ܕܥܕܟܝܠ ܒܢܝ̈ܢܫܐ ܡܬܚܫܚܝܢ ܒܗܢ ܡܬܠܐ ܕܐܕܟܪܢܢ ܡ̣ܢ ܠܥܠ. ܟܕ ܫܡܥ݀ܬ ܗܢ ܡܡܠܠܐ ܕܐܡܪܘܗܝ ܩܕܳܡܰܝ ܪ̈ܓܫܝ ܛܒ ܚܕܝܘ ܗ̣ܘܘ ܘܐܬܒܣܡܘ.
ܩܕܡ ܟܡܐ ܫܢܝ̈ܢ ܟܕ ܡ̣ܛܘ ܠܐܝܕ̈ܝ ܣܶܓ̈ܠܐ ܘܨܘܪ̈ܬܐ ܣܓܝ̈ܐܬܐ ܥܗܕ݀ܬ ܠܫܢܝ̈ܐ ܕܛܠܝܘܬܝ ܘܠܥܘܗ̈ܕܢܐ ܕܣܒܐ ܕܝܠܝ ܘܠܥܢ̈ܒܐ ܕܝܠܗ ܕܡܢܗܘܢ ܥ݀ܒܕ ܗ̱ܘܐ ܚܰܡܪܐ ܪܝܫܳܝܐ. ܘܥܡ ܙܒܢܐ ܐܪܓܫܬ݁ ܒܢܦܫܝ ܕܫܒܝܠܐ ܕܡܬܚܫܚ ܗ̱ܘܐ ܒܗ ܣܒܐ ܕܝܠܝ܆ ܡܒ̈ܥܐ ܐܢܘܢ ܠܝ ܘܛܝܒܘܬܐ ܕܠܐ ܡܬܬܟܝܠܐ ܘܕܘܡܝܐ ܠܝܬ ܠܗ̇.
ܚܰܝܒ ܐ̱ܢܐ ܕܶܐܩܰܪܒ ܬܘ̈ܕܝܬܐ ܠܐܒܗ̈ܝ ܘܰܐܚܶܐ ܫܡܐ ܕܝܠܗܘܢ. ܢܶܣܒ݀ܬ ܦܘܣܩܢܐ ܐܢܐ ܠܝ ܕܶܐܫܰܠܡ ܒܚܰܝܰܝ̈ ܗܕ ܬܪܡܝܬܐ ܕܝܠܗܘܢ ܘܶܐܫܡܥܝܗ̇ ܘܶܐܦܪܣܝܗ̇ ܠܥܠܡܐ ܡܕܝܢܝܐ ܐܝܟܢܐ ܕܰܢܥܠܐ ܠܪܘܡܐ ܕܫܡܝܐ ܫܡ ܐܝܩܪܬܢ.
ܗܘܬ݀ ܠܝ ܐܣܝܪܘܬܐ ܥܡ ܐܢܫ̈ܐ ܕܰܡܫܰܡܗܝܢ ܒܦܘܠܚܢܐ ܗܢܐ، ܘܫܪܝ݀ܬ ܠܡܬܚܫܚܘ ܒܟܠܗܘܢ ܦܘܪ̈ܣܐ ܘܨܶܒܘ̈ܬܐ ܕܐܝܕ̈ܝܢ ܡ̇ܛܝܐ ܠܗܘܢ ܐܝܟܢܐ ܕܬܶܬܶܐܡܶܢ ܡܰܫܠܡܢܘܬܐ ܗ̇ܕܐ ܒܙܒܢܢ ܗܢܐ.
ܘܒܫܘܠܡܐ ܕܟܠ܆ ܒܥܘܕܪܢܐ ܕܡܝܩܪܐ ܨܰܒܰܐ ܐܰܔܝܩܓܳܘܙ ܕܐܝܬܘܗܝ ܒܪ ܡܳܬܳܝܐ ܕܡܠܟܘܬܢ ܐܰܝܬܝ̣ܢܢ ܠܰܗܘܳܝܐ ܬܫܥܝܬܐ ܕܚܰܡܪܐ ܡܫܰܡܗܐ ܘܗܟܘܬ ܡ̣ܛܝܢܢ ܠܐܝܢܳܝܘܬܐ ܕܛܒ ܪܡܐ ܘܡܥܠܝܐ.
ܬܫܥܝܬܐ ܗܕܐ ܕܚܡܪܐ ܕܡܕܝܢܬ ܡܶܪܕܝܢ ܐܝܬܝܗ̇ ܘܡܶܬܒܝܬܝܳܐ ܠܥܡܐ ܣܘܪܝ̣ܝ̣ܐ. ܡܗܝܡܢ ܐ̱ܢܐ ܡ̣ܢ ܟܠܗ ܠܒܝ ܕܘܳܠܝ̣ܬܐ ܛ݀ܒ ܐܠܨܝܬܐ ܗ̱݀ܝ ܕܰܢܩܢܶܝܗ̇ ܠܙܒܢܢ ܗܢܐ ܘܠܝ̈ܘܡܬܐ ܕܒܗܘܢ ܚ̇ܐܝܢܢ.
ܝܬܝܪܐܝܬ ܕܝܢ ܟܕ ܝ݀ܗܒ ܘܡܘܣܦ ܐ̱ܢܐ ܣܘܟܳܠܐ ܦܪܝ̣ܫܐ ܠܬܪܡܝ̣ܬܐ ܗ̇ܕܐ ܕܕܟܝܪܐ܆ ܛ݀ܒ ܡܬܦܨܚ ܘܡܫܬܒܗܪ ܐ̱ܢܐ. ܗܕ̈ܡܐ ܕܐܝܩܪܬܐ ܕܝܠܝ ܗܐ ܡ̣ܢ ܕܪ̈ܐ ܕܥܒ̣ܪܘ ܢܦܩܝܢ ܡܪܐ ܠܥܕ̈ܬܗܘܢ ܘܠܕܝܪ̈ܬܗܘܢ ܡܠܘܐܐܝ̣ܬ ܘܣܘܟܠܐܝ̣ܬ ܘܐܬܚܫܚܘ ܒܟܠܗܘܢ ܡܟܳܢ̈ܐ ܕܐܝܬ ܒܐܝܕ̈ܝܗܘܢ ܐܝܟܢܐ ܕܢܰܚܘܢ ܐܢܘܢ. ܐܢ݀ܐ ܬܘܒ ܛ݀ܒ ܡܫܰܪܪ ܘܬܟܝܠ ܐ̱ܢܐ ܥܠ ܢܦܫܝ ܕܰܐܚܶܐ ܠܡܫܠܡܢܘܬܐ ܗܕܐ.
ܡܛܠ ܗܕܐ܆ ܝܘܬܪܢܐ ܡܳܡܘܢܳܝܐ ܕܢܬܟܢܫ ܡ̣ܢ ܝܘܬܪܢܐ ܕܬܪܡܝܬܐ ܗܕܐ، ܥܬܝܕ ܕܢܬܝܗܒ ܠܣܢܝܩܘܬܐ ܕܕܝܪܐ ܕܟܘܪܟܡܐ.
ܒܙܒܢܐ ܕܚ̇ܐܝܢ ܗ̱ܘܝܢ ܒܡܕܝܢܬ ܡܶܪܕܝܢ܆ ܐܝܩܪܬܐ ܕܝܠܢ ܩܰܪܒܰܬ݀ ܬܫܡ̈ܫܬܐ ܣܓܝ̈ܐܬܐ ܠܥܡܐ ܣܘܪܝ̣ܝ̣ܐ ܘܫܒܩܬ݀ ܠܗ ܣܝ̈ܳܡܐ ܪܝ̣ܫܳܝ̈ܐ ܕܫ݀ܘܝܢ ܠܕܘܟܪܢܐ. ܘܣܓܝ̈ܐܐ ܡܢܗܘܢ ܡ̣ܛܘ ܠܙܒܢܢ ܗܢܐ. ܘܰܣܝ̈ܳܡܐ ܕܦ̣ܫܘ ܡܢܗܘܢ ܟܠܗܘܢ ܥܒܝܕܝܢ ܒܐܘܡܢܘܬܐ ܕܦܘܠܚܢ ܐܝܕ̈ܝܐ.
ܒܝܢܬ ܗܕ̈ܡܐ ܕܐܝܩܪܬܐ ܕܒܝܬ ܚܶܨܪܶܡ ܐܰܒܐ ܕܣ̇ܒܐ ܕܝܠܝ ܫܪܝ ܒܐܘܡܢܘܬܐ ܕܚ̇ܫܘܠܘܬܐ. ܐܢ݀ܐ ܕܝܢ ܪܒܝܥܝܐ ܐܝ̣ܬܝ ܕܬܘ̈ܠܕܬܐ ܕܐܝܩܪܬܐ ܕܦ̇ܠܚ ܐ̱ܢܐ ܒܐܘܡܢܘܬܐ ܗ̇ܕܐ. ܝܠܦܬܗ̇ ܒܒܝܬ ܒܦܘܠܚܢ ܐܘܡܢܘܬܐ ܗܕܐ ܟܕ ܐܝ̣ܬܝ ܗܘܝ݀ܬ ܒܪ ܫܒܥ ܐܰܘ ܬܡܢܐ ܫܢܝ̈ܢ ܒܒܶܛܠܢ̈ܐ ܩܝ̈ܛܝܐ ܘܰܥܕܰܡܫ ܡܰܐܡܢ ܐ̱ܢܐ ܒܗ̇.
ܡܛܠ ܗ̇ܕܐ ܛܝ̈ܡܝܬܐ ܕܫܒ̣ܩܘ ܐܒܗ̈ܝܢ ܒܡܶܪܕܐ܆ ܐܝܟ ܕܒܣܘܓܐܐ ܟܠܗܘܢ ܥܒܳܕ ܐܝܕ̈ܝܐ ܐܢܘܢ. ܗ̇ܢܘ܆ ܐܘܡܢܘܬܐ ܕܗ̣ܢܘܢ ܒܐܝܕ̈ܝܗܘܢ ܥ݀ܒܕܝܢ ܘܦ݀ܠܚܝܢ ܗ̱ܘܘ ܠܗ̇.
ܗܕ̈ܡܐ ܕܐܝܩܪܬܐ ܗܕܐ ܕܝܘܡܢ ܚ̇ܐܝܢ ܒܐܣܬܢܒܘܠ܆ ܡ̇ܛܐܐ ܡܢܝܢܗܘܢ ܠܡܐܬܝܢ ܘܚܡܫܝܢ 250 ܩܢܘ̈ܡܐ. ܫܟܝܚ ܒܐܝܠܢܐ ܕܐܝܩܪܬܢ ܫܡ ܫܬܡܐܐ ܘܫܬܝܢ 660 ܩܢܘ̈ܡܐ ܥܡ ܗ̇ܢܘܢ ܕܫܢܝܘ ܡ̣ܢ ܥܠܡܐ ܗܢܐ ܘܥܡ ܗܠܝܢ ܕܥܕܟܝܠ ܒܚܝ̈ܐ ܐܢܘܢ. ܘܠܦܘܬ ܡܐ ܕܪܢܐ ܐ̱ܢܐ ܡ̇ܛܐ ܡܢܝܢܐ ܗܢܐ ܠܬܡܢܡܐܐ 800 ܥܡ ܗ̇ܢܘܢ ܕܐܒܝܕܝܢ ܘܠܐ ܝܕܝܥܝܢ ܠܢ.
ܫܢܬ ܐܨ̇ܨ̇ܚ 1998 ܡ̄ ܛܟܣ݀ܬ ܒܐܣܬܢܒܘܠ ܟܢܘܫܝܐ ܩܕܡܝܐ ܠܟܠܗܘܢ ܗܕ̈ܡܐ ܕܐܝܩܪܬܐ ܒܫܶܡ ܚܕܳܝܘܬܐ ܘܐܣܝܪܘܬܐ ܕܥܡ ܚܕ̈ܕܐ. ܘܚܰܓܝܢܢ ܠܝܘܡܐ ܗܢܐ ܥܡ ܩܢܘ̈ܡܐ ܕܐܬܛܝܒܘ ܡ̣ܢ ܒܪܶܙܝ̣ܠܝܐ. ܘܟܢܘܫܝܐ ܬܪܝܢܐ ܥܒܕܢܝܗܝ ܫܢܬ ܒܟ̇ܒ ܡ̄ 2022 ܘܐܬܟܢܫܘ ܠܗ ܟܠܗܘܢ ܗܕ̈ܡܐ ܕܐܝܩܪܬܐ ܘܥܡ ܐ̱ܚܝ̈ܢܐ ܘܩܪ̈ܝܒܐ ܕܐܬܛܝܒܘ ܡ̣ܢ ܐܰܪܔܰܢܬܺܝܢ. ܡܫܟܚ ܐ̱ܢܐ ܕܺܐܡܪ ܒܟܠ ܦܫܝܩܘܬܐ ܕܦܬܚ݀ܬ ܡܐܘ̈ܬܐ ܕܬܶܠܶܦܘ̈ܢܐ، ܢܘ̈ܠܐ ܐܳܐܰܪ̈ܝܶܐ ܘܰܛܣܰ̈ܒܶܐ ܡܛܠ ܛܘܟܣܐ ܕܟܢܘܫܝܐ ܗܢܐ. ܡܢܗܘܢ ܡ̇ܢ ܠܐ ܝ̇ܕܥܝܢ ܗ̱ܘܘ ܕܐܝܬܝܗܘܢ ܗܕ̈ܡܐ ܠܐܝܩܪܬܐ ܪܒܬܐ ܕܐܝܟ ܗܕܐ. ܟܠܗܘܢ ܗܕ̈ܡܐ ܐܥܒܪܘ ܝܘܡܐ ܚܕ ܕܰܡܠܐ̣ ܚܕܘܬܐ ܘܦܨܝܚܘܬܐ ܘܪ̈ܶܓܫܐ ܒܣܝ̣̈ܡܐ ܘܐܦ ܚܫܝ̈ܫܐ ܥܡ ܚܕ̈ܕܐ.
ܘܡܛܠ ܕܶܐܫܰܠܡ ܠܒܨܝܪ̈ܘܬܐ ܕܐܝܠܢܐ ܕܐܝܩܪܬܐ܆ ܒܥܝ݀ܬ ܡ̣ܢ ܟܠܗܘܢ ܡܛܝ̈ܒܐ ܐܢ ܐܝܬ ܠܘܬܗܘܢ ܨܘܪ̈ܬܐ ܥܬܝܩ̈ܬܐ ܕܐܒܗܝ̈ܗܘܢ ܘܐܢ ܐܝܬ ܝܕܥܬܐ ܕܝܕܥܝܢ ܠܗ̇ ܥܠ ܐܝܩܪܬܐ ܕܝܠܗܘܢ ܕܢܫܕܪܘܢ ܐܢܘܢ ܠܝ ܐܝܟܢܐ ܕܐܟܢܫ ܐܢܘܢ ܒܣܶܓܠܐ ܕܢܛܝܪ ܠܘܬܝ. ܫܪܝܪܐܝ̣ܬ ܠܡܐܡܪ܆ ܦܨܝܚܘܬܐ ܗܘܬ ܪܒܬܐ ܠܟܠܗܘܢ ܗܕ̈ܡܐ ܕܐܝܩܪܬܐ ܕܚ̇ܐܝܢ ܒܕܘ̈ܟܝܬܐ ܡܫܚܠ̈ܦܬܐ ܕܥܠܡܐ.
ܐܠܐ ܬܘܒ ܣܓܝ ܦܨܝܚ ܐܢܐ ܕܶܐܫܒܘܩ ܝܪܬܘܬܐ ܡܚܰܝܰܕܬܐ ܘܕܛܒ ܝܩܝ̣ܪܐ ܠܙܒܢܐ ܕܩ̇ܕܡ.
ܐܝܩܪܬܐ ܕܝܠܢ ܩܕܡܝܬ ܫܰܪܝܬ݀ ܒܫܡܐ ܘܰܒܟܘܢܝܐ ܕܒܝܬ ܚܶܨܪܶܡ. ܐܠܐ ܝܘܡܢ ܚ̇ܙܝܢܢ ܠܗ̇ ܫܡ̈ܗܐ ܘܟܘ̈ܢܝܐ ܣܓܝ̈ܐܐ ܕܡ̣ܢ ܚܕ̈ܕܐ ܡܫܚܠܦܝܢ ܥܕܡܐ ܕܰܡܛܳܬ݀ ܠܙܒܢܢ ܗܢܐ. ܒܡܕܝܢܬ ܡܶܪܕܝܢ ܡܛܠ ܕܐܢܫ̈ܐ ܡܬܚܫܚܝܢ ܗ̣ܘܘ ܒܟܘ̈ܢܝܐ ܕܒܝܬ ܚܰܢܰܐܫܶܗ܆ ܝܬܝܪ ܝܕܝܥ ܗܢ ܟܘܢܝܐ ܡ̣ܢ ܫܡ̈ܗܐ ܘܟܘ̈ܢܝܐ ܐ̱ܚܪ̈ܢܐ. ܟܕ ܐܫܬܬܐܣܬ݀ ܡܠܟܘܬܐ ܬܘܪܟܝܬܐ ܚܠܳܦ ܥܘܬܡܢܝܬܐ ܐܦܩܬ݀ ܦܘܩܕܢܐ ܕܳܐܠܨܝܘܬ ܟܘܢܝܐ ܚܕܬܐ. ܗܟܘܬ ܐܬܝܗܒ ܠܗ̇ ܟܘܢܝܐ ”ܕܓܘܙܶܠ ܐܝܫ“ ܣܘܟܳܠܗ܆ ”ܦܘܠܚܢܐ ܫܦܝܪܐ.“ ܘܫܡ̈ܗܐ ܐ̱ܚܪ̈ܢܐ ܕܐܝܩܪܬܐ ܕܐܬܦܠܓܬ݀ ܠܡܢ̈ܘܬܐ ܣܓܝ̈ܐܬܐ ܗܠܝܢ ܐܢܘܢ: ܚܶܨܪܡ، ܚܶܠܘܰܔܺܝ، ܚܰܢܰܐܫܶܗ، ܐܢܰܐܫܶܗ، ܣܰܪܶܐ، ܐܳܙܩܰܪܕܶܫ، ܓܶܙܶܪ ܘܓܘܙܶܠ ܐܺܝܫ.
ܘܡܛܠ ܕܶܐܫܰܠܡ ܠܒܨܝܪ̈ܘܬܐ ܕܐܝܠܢܐ ܕܐܝܩܪܬܐ܆ ܒܥܝ݀ܬ ܡ̣ܢ ܟܠܗܘܢ ܡܛܝ̈ܒܐ ܐܢ ܐܝܬ ܠܘܬܗܘܢ ܨܘܪ̈ܬܐ ܥܬܝܩ̈ܬܐ ܕܐܒܗܝ̈ܗܘܢ ܘܐܢ ܐܝܬ ܝܕܥܬܐ ܕܝܕܥܝܢ ܠܗ̇ ܥܠ ܐܝܩܪܬܐ ܕܝܠܗܘܢ ܕܢܫܕܪܘܢ ܐܢܘܢ ܠܝ ܐܝܟܢܐ ܕܐܟܢܫ ܐܢܘܢ ܒܣܶܓܠܐ ܕܢܛܝܪ ܠܘܬܝ. ܫܪܝܪܐܝ̣ܬ ܠܡܐܡܪ܆ ܦܨܝܚܘܬܐ ܗܘܬ ܪܒܬܐ ܠܟܠܗܘܢ ܗܕ̈ܡܐ ܕܐܝܩܪܬܐ ܕܚ̇ܐܝܢ ܒܕܘ̈ܟܝܬܐ ܡܫܚܠ̈ܦܬܐ ܕܥܠܡܐ.
ܐܠܐ ܬܘܒ ܣܓܝ ܦܨܝܚ ܐܢܐ ܕܶܐܫܒܘܩ ܝܪܬܘܬܐ ܡܚܰܝܰܕܬܐ ܘܕܛܒ ܝܩܝ̣ܪܐ ܠܙܒܢܐ ܕܩ̇ܕܡ.
ܐܝܩܪܬܐ ܕܝܠܢ ܩܕܡܝܬ ܫܰܪܝܬ݀ ܒܫܡܐ ܘܰܒܟܘܢܝܐ ܕܒܝܬ ܚܶܨܪܶܡ. ܐܠܐ ܝܘܡܢ ܚ̇ܙܝܢܢ ܠܗ̇ ܫܡ̈ܗܐ ܘܟܘ̈ܢܝܐ ܣܓܝ̈ܐܐ ܕܡ̣ܢ ܚܕ̈ܕܐ ܡܫܚܠܦܝܢ ܥܕܡܐ ܕܰܡܛܳܬ݀ ܠܙܒܢܢ ܗܢܐ. ܒܡܕܝܢܬ ܡܶܪܕܝܢ ܡܛܠ ܕܐܢܫ̈ܐ ܡܬܚܫܚܝܢ ܗ̣ܘܘ ܒܟܘ̈ܢܝܐ ܕܒܝܬ ܚܰܢܰܐܫܶܗ܆ ܝܬܝܪ ܝܕܝܥ ܗܢ ܟܘܢܝܐ ܡ̣ܢ ܫܡ̈ܗܐ ܘܟܘ̈ܢܝܐ ܐ̱ܚܪ̈ܢܐ. ܟܕ ܐܫܬܬܐܣܬ݀ ܡܠܟܘܬܐ ܬܘܪܟܝܬܐ ܚܠܳܦ ܥܘܬܡܢܝܬܐ ܐܦܩܬ݀ ܦܘܩܕܢܐ ܕܳܐܠܨܝܘܬ ܟܘܢܝܐ ܚܕܬܐ. ܗܟܘܬ ܐܬܝܗܒ ܠܗ̇ ܟܘܢܝܐ ”ܕܓܘܙܶܠ ܐܝܫ“ ܣܘܟܳܠܗ܆ ”ܦܘܠܚܢܐ ܫܦܝܪܐ.“ ܘܫܡ̈ܗܐ ܐ̱ܚܪ̈ܢܐ ܕܐܝܩܪܬܐ ܕܐܬܦܠܓܬ݀ ܠܡܢ̈ܘܬܐ ܣܓܝ̈ܐܬܐ ܗܠܝܢ ܐܢܘܢ: ܚܶܨܪܡ، ܚܶܠܘܰܔܺܝ، ܚܰܢܰܐܫܶܗ، ܐܢܰܐܫܶܗ، ܣܰܪܶܐ، ܐܳܙܩܰܪܕܶܫ، ܓܶܙܶܪ ܘܓܘܙܶܠ ܐܺܝܫ.
ܗ̇ܢܐ ܗ̱݀ܘ܆ ”ܚܰܡܪܐ ܕܡܶܪܕܝܢ “
ܗ̇ܢܐ ܗ̱݀ܘ܆ ”ܝܪܬܘܬܐ ܕܡܶܪܕܝܢ “
ܐܝ̣ܠܗܰܐܢ ܓ̇ܘܽܙܶܠ ܐܝ̣ܫ ـ ܚܰܢܰܐܫܶܗ ـ ܚܶܠܘܰܔܺܝ ـ ܚܶܨܪܶܡ.
ܦܪܫܓܢܐ ܕܐܝܢܣܬܓܪܐܡ:
ܡܨܝܐ ܠܟܘܢ ܕܬܣܒܘܢ ܡ̣ܢ ܗܪܟܐ ܝܕܥܬܐ ܪܘܝ̣ܚܬܐ ܥܠ ܡܟܬܒܙܒܢܐ
