抱「牙佬」個B 王君馨：感覺奇妙

藝人王君馨與袁偉豪當年合演的無綫劇《城寨英雄》爆紅，「花曼」與「牙佬」CP深受歡迎，在《萬千星輝頒獎典禮2016》勇奪「最受歡迎電視男、女角色」。相隔多年，兩人終於合體，王君馨上載抱着袁偉豪囝囝「袁咕碌」的溫馨合照，寫道：「冇諗到花曼要等7年先抱到牙佬嘅BB！恭喜Ben做爸爸laaa！今日抱番你真實嘅BB，感覺很奇妙，佢啲面部表情真係好似你！唔知幾時再有機會合作呢？」袁偉豪回應：「Can't wait！」似乎亦急不及待。