ՀՀ բնակչության 90%-ը «5-րդ շարասյո՞ւն». իշխանական քարոզչության ձախողումը

Ուրբաթ երեկոյան հաղորդվեց, որ Հայաստանը համաձայնել է Ադրբեջանին հանձնել Տավուշի հատվածում Ադրբեջանի պահանջած գյուղերը՝ դրա դիմաց չստանալով Բերքաբերի դիմաց գտնվող հայկական տարածքները, որոնք այժմ Ադրբեջանի վերահսկողության տակ են։ Իսկ Ոսկեպարին հարակից միջպետական ճանապարհի հատվածը այս փուլում չի սահմանազատվի, այսինքն՝ դեռևս կմնա հայկական վերահսկողության տակ, սակայն ընդամենը դեռևս: Բնական է, որ այս քայլը առաջացրել է տավուշցիների և համայն հայության զայրույթը, նրանք բողոքում են և պահանջում դադարեցնել Ադրբեջանին միակողմանի զիջումներ անելը:

Իսկ իրավիճակի ողջ իրոնիան կայանում է նրանում, որ երեկվանից ՔՊ-ական պաշտոնյաները և նրանց սատելիտները հանրային դաշտում առաջ են մղում այն թեզը, թե ով դեմ է հայկական հողերի հանձնմանը՝ 5-րդ շարասյան ներկայացուցիչ է: Նրանք թերևս մոռացել են՝ Հայաստանում միջազգային հեղինակավոր կազմակերպությունների կողմից վերջին տարիներին կազմակերպած սոցհարցումների արդյունքները: Այսպես, «Գելափ» միջազգային ընկերակցության կողմից 2022 թվականի մայիսի 26-28-ն անցկացված հարցախույզի համաձայն՝ Հայաստանի հարցված քաղաքացիների 89,3 տոկոսն ասել է, որ իրենց համար անընդունելի է, «եթե Արցախի բնակչությանը տրամադրվի ազգային փոքրամասնության կարգավիճակ Ադրբեջանի կազմում»:  Սա մինչ Արցախի ամբողջական հայաթափումն էր: Արդեն այս տարվա մարտին Տավուշի գյուղերը հանձնելու  վերաբերյալ անցկացված հարցման արդյունքները հետևյալն են՝ 2,9 տոկոսը նշել է, որ միանշանակ ընդունելի է։ Ավելի շուտ ընդունելի է, կարծում է 6 տոկոսը, ավելի շուտ ընդունելի չէ, կարծում է 7,8 տոկոսը, 79,7 տոկոսը նշել է, որ ընդհանրապես ընդունելի չէ, 3,6 տոկոսը դժվարացել է պատասխանել։ Այսինքն՝ շուրջ 90 տոկոսը կարծում է, որ այս մոտեցումը ընդունելի չէ: Բացի այդ, այս տարվա փետրվարին անցկացված հարցման արդյունքում պարզ է դարձել, որ հարցված քաղաքացիների 95,7%-ը պատրաստ է պայքարել Հայաստանի համար, եթե պատերազմ լինի: 

Հիմա ի՞նչ է ստացվում՝ ՀՀ բնակչության 90 տոկոսը, եթե ոչ ավելին՝ արտասահմանյան գործակալնե՞ր և 5-րդ շարասյան ներկայացուցիչնե՞ր են, եթե այդպես է, ապա, անշուշտ, մենք համաշխարհային ռեկորդ կարող ենք սահմանել: Սակայն, խելքին շատ ավելի մոտ է այն տարբերակը, որ ՀՀ բնակչության  90 տոկոսը, Հայ Առաքելական Եկեղեցին, Սփյուռքը սպասարկում են ոչ թե այլ երկրների և ուժերի, այլ սեփական պետության շահերը և չեն ցանկանում, որպեսզի իրենց հողերը, տները և վանքերը հանձնվեն թշնամուն: Իսկ թե ինչու են երեկվանից ՔՊ-ականներն ուղղորդված կերպով տարածում այդ զավեշտալի նարրատիվը՝ պարզից էլ պարզ է, վերջիններս չէին սպասում և պատրաստ չէին հանրային նման դիմադրության, բացի այդ էլ, ինչպես ասում են, գողի վրա գլխարկն այրվում է...

Այս թեմայով Ձեր նմանները իշխանական հպատակներ են ու փողով ներկայացում խաղացողներ. Հենրիխ Դանիելյանը՝ Հովհաննես Դավթյանին ԱՄՆ-ն Գազայի բնակչության համար լողացող նավամատույց է կառուցում (լուսանկարներ) Արցախից հայ բնակչության գաղթը Հայոց ցեղասպանության տարր է. Զատուլին «Հրապարակ». Իշխանական թիմում էլ են սարսափում ադրբեջանցի «փախստականների» վերադարձի հեռանկարից Հայաստանում մի շարք ծառայություններ ամբողջ բնակչության համար պետպատվերով են․ ԱՆ Գարշելի է․ իշխանական պատգամավորը ՀՀ ժողովրդավարական հետընթացը կապում է տեղահանվածների խնդիրների հետ Ինչ ներկայացվեց, միայն ծիծաղի առարկա է. Գյումրիում ապրող բնակչության տեղը պատասխան պետք է տա Վարդան Ղուկասյանը՞ Նիկոլ Փաշինյանի խայտառակ ձախողումը. նա ունի պատմական ամենացածր ցուցանիշը. «Փաստ» ՌԴ-ի բարեկամ լինելու ցուցանիշի անկումը կապում եմ հակաքարոզչության հետ, որը գալիս է իշխանական թևից Արարատի կոնյակի գործարանում վերահսկողություն կիրականացվի