何志平胡慧中22歲女戀情見光死 四眼男友被嘲「軟飯王」上過配對節目

星二代真係人多勢眾，前民政事務局長何志平，同台灣息影女星胡慧中嘅獨女何嘉珍(Jasmin)，原來都已經22歲。呢個年紀拍拖好正常，點知會成為話題，仲散埋！

一位名叫梁勇嘅內地網民，喺個人社交平台post咗同Jasmin拍拖嘅照片，又寫道「每天生活超甜蜜的」。帶女友返老家嘅梁勇，又另外post同胡慧中合照，拍拖無耐就互訪見家長，似乎發展得幾好。

不過有人踢爆梁勇參加過內地配對節目《非誠勿擾》，同參加嘅女嘉賓成功配對，但係節目出街後又話自己單身。唔少人見梁勇感情狀況「彈出彈入」，加上Jasmin係名人之後，都擔心女方俾人呃！

梁勇回應網民嘅負評時，強調自己冇駛女友錢，認為「我還算是有骨氣的人」，又澄清結識Jasmin時唔知對方家底，而且參加《非誠勿擾》係去年12月嘅事。後來梁勇將「放閃」照全部刪走，而Jasmin回應網友留言時，聲稱已經分手，由放閃到分開只係前後3日，真係好戲劇化。

盡得父母愛錫嘅何嘉珍，身型面型似足何前局長，佢自稱有近200磅。Jasmin媽咪胡慧中當年拍唔少動作片，早前出席內地活動時風采依然！

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！