更新時間：17:40 2023-11-25
發佈時間：17:40 2023-11-25
發佈時間：17:40 2023-11-25
太陽伯伯「戴綠帽」？近日有攝影發燒友在機場附近捕捉黃昏美景時，拍到夕陽上方有綠光的奇景，隨即發布網上，引發網友熱議，天文台也特地引用該照片解釋這罕見的天文現象，並指出這道短暫閃現的「綠閃」形成機制相當複雜。
天文台在其facebook帳戶上以「太陽上面有一點綠色？」為題發帖稱，「『社區天氣觀測計劃』（fb專頁CWOS）嘅朋友星期日（11月19日）黃昏影到非常罕見嘅綠閃！有冇見到太陽最上方有一點綠色？佢一般喺日出日落先會出現，通常維持一、兩秒㗎咋！」
天文台接著解釋﹕「綠閃嘅形成機制相當複雜，其中一個可能性係接近海平面嘅太陽光經過大氣層嘅逆溫層時被折射，由於唔同顏色嘅光折射率都唔同，藍綠光嘅折射程度比其他顏色大，而藍光大多會被空氣散射，最終就淨低我哋見嘅綠閃喇~」
捕捉到奇景的攝影師隨後在帖文下留言指，「幸運親眼見到，並能與大家分享」。網民則大讚「勁呀！這霎時間嘅一兩秒都俾你捕捉到」、「長知識！嗰一兩秒都影到，厲害！」
另有人分析指「香港長期受大氣污染影響，要拍到日落邊緣的小小綠色還不太難，但想要近地平大面積或完整的綠色層效果是非常困難」。有搞笑的網民更指，夕陽頂上的綠閃有如「太陽伯伯戴綠帽」。
有網民亦幸運地在小欖拍攝到綠閃奇景，並如夢初醒地發帖指「唔係睇到天文台個Post，都唔知自己影到綠閃，不過果日有影日落嘅，應該都影到」。如此好彩數，網民送上「勁」字，留言表示拜服。
最Hit
